Campus Escolar
En Compostela Golf desenvolvemos un amplo programa de campamentos polideportivos ao longo do ano durante as vacacións escolares:
- Campus durante as vacacións de Semana Santa
- Campus durante as vacacións de verán
- Campus durante as vacacións de Nadal
Os Campus Multideportivos que ofrece Compostela Golf son a mellor opción para que os mozos poidan gozar da actividade físico-deportiva e desenvolver habilidades motrices, sociais e emocionais, a través de xogos en grupo nun entorno seguro en contacto directo coa natureza.
Os nosos campus están enfocados á poboación nova de entre 4 e 16 anos, na que se distribuirán en grupos en función da idade dos participantes. Cada un dos grupos desenvolve actividades lúdicas de xeito independente para garantir a atención e calidade do servizo, supervisados polos nosos profesionais especializados, aínda que tamén se desenvolven xogos grupais e actividades interconectadas entre os distintos grupos, fomentando un ambiente familiar.
En Compostela Golf contamos cun gran equipo de profesionais da educación físico-deportiva e monitores especializados, que se encargan de dirixir, estruturar, organizar e executar as diferentes actividades e velar pola mellor atención aos nenos e nenas participantes a través da seguridade requirida para iso.
Nas nosas instalacións deportivas poderemos acoller un gran número de participantes nos que poderán realizar un sinfín de actividades. Algúns exemplos serían:
- Deportes como golf, footgolf, fútbol, béisbol…
- Xogos recreativos no espazo libre.
- Xogos tradicionais.O
- Obradoiros de aprendizaxe.
- Actividades na natureza como orientación e sendeirismo.
- Campeonatos de ximcanas e multideporte.
- Posibilidade de realizar actividades acuáticas na piscina en función da época do ano.
- …e moitas máis posibilidades de lecer para todas as idades e niveis…
Todas as nosas actividades presentan grandes beneficios para a poboación nova, a través dos cales:
- Melloramos a condición física, a concentración e a memoria dos nosos participantes.
- Axudamos a combater a ansiedade, o estrés e a falta de confianza persoal.
- Fomentamos as relacións sociais, o compañeirismo e o traballo en equipo, posibilitando novas amizades con mozos de idades similares.
- Reforzamos o desenvolvemento da motricidade, a coordinación e a destreza.
- Promovemos a disciplina, o coidado do ambiente de práctica, o respecto polo medio, polos demais e por un mesmo.
- Coidamos a convivencia do noso alumnado, favorecendo a implicación, a solidariedade e o compromiso coa actividade e a práctica da actividade físico-deportiva.